كوكب اليابان – الوجه القبيح الذي لم نراه ! ” بمجرد ذكر كلمة اليابان .. أول حاجة بتيجي في بالنا النظام والدقة والتطور وحاجات تانية كتير تحسسنا إن اليابانيين مش بشر زينا وإنهم مجتمع مثالي جدًا ، لدرجة إننا في بعض الأحيان بنوصفهم بكوكب اليابان وأكنهم من جنس تاني .. بس كل الكلام ده غير حقيقي اليابانيين ممكن يكونوا متطورين ومنظمين لكنه مجتمع مليان بالعادات السيئة وبتسيطر عليه الجريمة والمخدرات ، وما خفي كان أعظم .. من أسباب تطور اليابان في الفترة الأخيرة تقديسهم للعمل بشكل كبير ، بشكل مرضي وده أثر في المجتمع بشكل سلبي ومعاه ظهرت مشكلة ممكن تعرضهم في يوم للانقراض انخفض معدل مواليد اليابان في السنين الأخيرة بشكل كبير لأقل من مليون ولادة في السنة وبناءًا عليه بقى عدد الأطفال في اليابان ١٦ مليون طفل بس وده اللي هيخليهم يقلوا ٢٠ مليون بحلول سنة ٢٠٤٠ وعلى ٢١٠٠ هيصل عددهم لـ ٤٦ مليون ياباني وكل ده بسبب انشغالهم المرضي بأشغالهم لدرجة خلت ٤٩٪ من الشباب معندهمش رغبة في الزواج كمان بسبب الإرهاق الكبير في العمل ظهر عندهم ظاهرة اسمها (كاروشي) ومعناها الموت بالسكتات الدماغية أو القلبية الناتج عن الإرهاق في العمل اللي بتصل ساعاته لـ١٠٠ ساعة أسبوعياً .. اليابان كمان مش أفضل مكان ممكن تزوره بسبب حاجات كتير أولهم الأسعار الغالية لدرجة بتخليها من أغلى الوجهات السياحية في العالم كمان لعدم توفر سلات القمامة ، لدرجة خلت الشعب الياباني يعتاد على حمل القمامة في حقائبهم طول الوقت يمتاز الشعب الياباني وعلى عكس المثار عنه بتفكك العلاقات الاجتماعية والأسرية بسبب احتلال التكنولوجيا الحديثة محلها وبسبب ده ولأسباب تانية خاصة بالبطالة فمعدلات الانتحار في اليابان من أعلى المعدلات عالميًا بعدد ٢٢ ألف فرد خلال ٢٠٢٢ وبنسبة ١٨ شخص من كل ١٠٠ شخص ودي نسبة مهولة جدًا وتنم عن حالة الاكتئاب اللي بتسود المجتمع كمان اليابان مش مكان آمن للإقامة فيه بسبب تواجد عصابات الياكوزا ، المافيا اليابانية واللي عمرها في اليابان يتجاوز ال ٤٠٠ سنة وعددهم المعلن عنه يتجاوز ال ٢٠٠ ألف فرد وبيسيطروا على كل المجالات والشرطة والحكومة والأعمال وكل حاجة تقريباً بتحصل في اليابان لازم تتم بموافقتهم اليابان مش كوكب .. ولا ينفع ينضرب بيها المثل في التطور والعلم والنظام زي ما بيتقال والأفضل لينا كشعوب عربية .. نركز على ثقافتنا الأصيلة ونحاول نطور نفسنا ونبطل مقارنات فارغة معتمدة على البروباجاندا الكدابة .. بعد ما شفت الوش التاني لكوكب اليابان لسه هتصدق كل اللي يتقالك ؟