في فيلم (القاهرة ٣٠) ظهر الفنان حمدي أحمد في مشهد من أشهر مشاهد السينما المصرية بيظهر ووراه قرنين تور ، تعبيرًا من المخرج (صلاح أبو سيف) على عدم غيرة البطل على زوجته اللي استغلها في تدرجه في وظيفته أو بمعنى أصح وتعبير أكثر جرأة تعبيراً عن دياثته ولسنين طويلة فضلت القرون رمز للتعريض طب هل الموضوع ده له تاريخ وحدوتة وأصل ؟ وهل فيه رابط بين كلمة (القرون) وبين الراجل اللي معندوش (غيرة) ؟ الحقيقة إن المؤرخين بيقولوا إن القرون ليها 4 قصص تاريخية وكلهم زي بعض تقريبًا من ناحية السياق … وكلهم بيعبروا عن الدياثة والتعريض القصة الأولى ، في العصر الروماني ، كان بيتم إرسال الجنود لسنين طويلة للحرب في أماكن بعيدة جدًا من الإمبراطورية الرومانية واللي كانت الحرب جزء أساسي من حياتهم ولما الجنود المنتصرة ترجع سالمة كان الإمبراطور بيعمل إحتفالية ويهدي لكل جندي (قرون) كتعبير عن النصر ، لكن المضحك إن عامة الشعب استخدموها في اتجاه تاني خالص وهو إن كان الجندي لبس قرون النصر في المعارك .. معناها إنه اتهزم داخل غرف النوم ، وقالوا مين يقدر يبعد عن زوجة رومانية ، ولسنين طويلة كمان ؟ أما القصة التانية بتحكي إن القرون أساسها من أسطورة “مينوتور” وده مخلوق أسطوري في الميثولوجيا الإغريقية وهو إبن ملكة إسمها (باسيفاي) ، واللي وقعت في حب تور كان مبعوت كأضحية من بوسيدون واتجوزته وخلفت منه (المينوتور) نصه راجل ونصه تور ومن يومها وعلامة القرون علامة دائمة لخيانة الملكة وإن نسل الملكة هيكون كله أطفال بقرون أما القصة التالتة في سنة 1799 في إنجلترا ، لما بدأت حركة تزويج البنات الصغيرين لرجال في السلطة كبار في السن جدًا طمعًا في الحصول على ثروتهم ولأن طبعًا ده مش عدل لأي فتاة .. انتشر بين الإنجليز عادة غريبة جدًا فسمحوا ليهم أزواجهم بممارسة نزواتهم .. واللي مكانش حد فيهم يقدر يتكلم بحكم منصبه وسمعته بين المجتمع الإنجليزي والكلام ده أكده كل المؤرخين واتذكر في روايات كتير اتمنعت من النشر لمدة طويلة القصة الرابعة بقى عن صلة القرون بعدم الغيرة بتأكد الصلة أكتر وأكتر واللي بتتكلم عن الإمبراطور اليوناني (أندرونيكوس) واللي كان معروف بوضع قرون على منازل زوجات الجنود اللي بيتردد عليهم .. ولما يخرج يأمر بوضع ” القرون ” على الباب دليل إن الإمبراطور حضر للمنزل ده .. وده شرف للجنود دول وزوجاتهم وتكريمًا للعيلة كلها.. ومقابل ده كان يسمح للجندي بالصيد العام في المملكة والحصول على امتيازات استثنائية وده قريب قوي من مشهد فيلم القاهرة ٣٠ بعد ما سمعت عن قصة القرون وعلاقتها بالتعريض تفتكر فيه رابط فعلاً بين الحاجتين ؟ ولا دي مجرد روايات أساطير ؟