اكتر 5 اشخاص استغربنا انهم بيدعمو الـkـيان الـsـهيوني 1 زينيشينكو اللاعب الأوكراني الشاب و المحترف في صفوف ارسنال الانجليزي زينيشينكو .. كان اتشهر جامد السنة اللي فاتت مش لأنه كان لاعب في مانشستر سيتي و انتقل لارسنال بس لكنه في كل لقاء من بعد الحرب الروسية الأوكرانية كان بيطلع يعيط على اوكرانيا .. وأن اللي بيحصل من روسيا ده غلط و الاحتلال و الانسانية و مينفعش و خلانا كلنا اتعاطفنا معاه فجأة في وسط الضرب اللي بيحصل في غزة يقوم منزل ستوري على انستجرام يقول فيها I stand with Israel !! الله ؟!! طب و الانسانية يا زينيشينكو ؟!! و ان ازاي بلد قوية تحتل بلد ضعيفة ؟؟ دانت كنت بتعيطنا اكتر من الحلقة اللي ماتت فيها ماما نونة !! 2 ليبرون جيمس لاعب كرة السلة الأمريكي ليبرون جيمس اللي يعتبر تاني اعظم لاعب سلة في العالم بعد مايكل جوردان و صاحب اكثر عدد نقاط مسجلة في تاريخ ال NBA نزل بيان على انستجرام أعلن دعمه للكيان الاسرائيلي و بيقول فيه أنه بيدعم إسرائيل و المواطنين الابرياء العزل ضد ارهاب حماس !! طب ما تعمل زوم اوت كدة يا كابتن و شوف الصورة الكاملة و خد ٣ نقاط بدل مانت واقف تحت الشبكة مستني الريبوند 3 كوينتن تارنتينو المخرج الامريكي المعروف و المميز و الحائز على الكثير من الجوايز و افلامه مشهوره جدا ظهر فيديو ليه وهو في زيارة لاحد القواعد الاسرائيلية و بيتغدا مع الجنود و يتصور معاهم و يشكرهم .. ناس كتير استغربت موقف كوينتن تارنتينو خصوصا انه ليبرالي و افلامه كانت بتهاجم هتلر و النازية و العبودية .. لكن الاستغراب ده راح لما عرفنا ان تارنتينو متجوز من المغنية الإسرائيلية دانييلا بيك و عاش معاها في اسرائيل سنين . 4 تيبو كورتوا حارس ريال مدريد الاسباني و المنتخب البلجيكي أظهر دعمه للكيان الصهيوني في ستوري على انستجرام قال فيها “حبي و دعمي الصادق يذهبان لأهلي و اصدقائي في اسرائيل .. مع املي ان ينتهي هذا الكابوس قريبا ” برضه طلع كورتوا متجوز من ميشيل جيرزيغ اللي معاها الجنسية الاسرائيلية .. واضح ان الستات الاسرائيلين مكركبين الدنيا برا 5 . ايمي شويمر و جيمي لي كيرتس الممثلة و الاستاند اب كوميديان اليهودية و اللي استضافت الاوسكار من سنتين ايمي شويمر كتبت : “الشعب اليهودي هو المجموعة الوحيدة التي لا يسمح لها بالدفاع عن نفسها .. هذا لا علاقة له بالاحتلال، انهم لا يريدون إنهاء الاحتلال، إنهم يريدون القضاء على إسرائيل، إنهم يتلقون التمويل من إيران، التي تحاول تدمير اتفاق السلام”. طب على فكرة بقى كانت اسوأ حفلة للاوسكار هه اما جيمي لي كيرتس ف نشرت صور ل اطفال خائفين و كتبت “سماء الرعب” الامر اللي عرضها ل هجوم كبير عشان كانت صورة ل اطفال فلسطينيين مش اسرائليين !! وده اللي خلاها تمسح الصورة تاني بعد ما نزلتها